المسلة السياحية
•• صدر عن دار عين حورس للطباعة والنشر والترجمة ديوان “عزوتي وسندى” تأليف الدكتورة ألفت معتمد عبد الحميد والتي فازت إحدى قصائده المصورة إخراج محمد ضياء الدين ” جديدة يا مصر” بجائزة كاسل الحضارة والتراث الدولية لشهر ديسمبر 2021 والفيلم من إنتاج المجلس العربي للاتحاد العام للآثاريين العرب برئاسة الدكتور محمد الكحلاوي، والديوان رسومات الفنانة التشكيلية رحاب فاروق مراجعة لغوية وتدقيق إملائي الدكتور عبد الرحيم ريحان ويعرض بمعرض الكتاب صالة 2 B46))••
وقد سجلت المؤلفة في كلمات صادقة من القلب مباشرة دون حواجز أو مقدمات الإنجازات التي لمستها في مصر الجديدة بكلمات بسيطة، وأمام هذه الإنجازات تمنت أن تعود القيم الأصلية للمجتمع المصري حيث تناولت قصائد الديوان الغربة وصون النعمة والتضحية والحياة الجديدة، ونسيان الهموم والأحلام الجميلة ومفاهيم الحرية والعلاقة بين الأجيال .
وقيمة الأسرة بزوجين صالحين متعاونين لاستمرار الحياة بكل معاناتها بأوجاعها وأفراحها ، والمدرسة وعلاقة الأستاذ بالتلميذ ، والسلوكيات الغريبة على قيم مجتمعاتنا وديننا ،وكيف نعيد قراءة الزمن الجميل لنستقي منه أجمل ما فيه من قيم ومبادئ وسلوكيات تربى عليها آباءنا وأجدادنا وصنعوا مجدًا يجب أن نحافظ عليه لتستمر دورة الحياة .
المشاعر الإنسانية
قدمت المؤلفة جرعة أحاسيس مشبعة من المشاعر الإنسانية الصادقة بكلمات بسيطة تصل إلى الطفل والشاب والشيخ الغرض منها تنقية الأحاسيس وإزالة الشوائب العالقة بمشاعرنا والتي أثرت بدورها على سلوكياتنا، ولعلها تكون بارقة أمل تفتح أمامنا طرقًا للنجاة من أنفسنا وليس بأنفسنا لأننا لم نصل إلى حد طوفان غشاوة وعتمة المشاعر.
وفى قصيدة “جديدة يا مصر” تقول الشاعرة
باحبك بس مش عارفة
أجيب حلو الكلام من فين
كتير كتبوا على جمالك
عظمتك حاجة تملى العين
لكن برده ها لاقى كلام
ما أنا عاشقة جمال نيلك
وعاشقة الصحبة واللمة
ده كل الناس تلف تلف وتجيلك
أنا تعودت أعيش فيكي
وأغنّى في أنس لياليكي
أنا عاشقة التراب والنيل
بأحب أسمع كمان مواويل
وأغنيلك يا غنوة حب عاشقاها
و شايفاها مساء وصباح
حبيبة الكل يا بلدي
أخذ من عمرى وأديلك
جديدة يا مصر
جديدة يا مصر دلوقتي
باشوفك لابسة زي جديد
مباني جديدة بالألوان
وتغيير فيكي والله شديد
بلاد حلوة بيحلم بيها مصريين
قريب وبعيد
فقير محتاج يكون له بيت
كما في السيما متزوق
غنى كان عمره ما بيقدر
يعيش فيها ساعات حلمه
يعلم ابنه ما اعرف فين
ويشترى قصر من بره
ويفضل ينطوي ويبعد
يخاف العين ده عيشة مرة
جديدة يامصر
بقى عندك كده رؤية
وفيها حكومة شغّالة صباح مع ليل
علشان تبقى ملاذ لابنك
غنى مستور وبرضه فقير
خطط إسكان كمان تعمير
عشان كل الفئات تفرح
بقى فيكي قصور يسكنها
مين يرغب في حرية
وفيكي الشقة دور واتنين
لمين يدفع بكمية
وشقة مناسبة للملايين
رأيتها ايوه بعنيا
وفيه للفقرا والمساكين
ما فيش ناس فيكي منسية
جديدة يا مصر
جديدة برده بأثارك
بقى لها كثير من السنوات
ونتعلم من القدماء
علوم لحياتنا من الأحياء ومن الأموات
حضارة وفن وعمارة
وطب متسجل في برديات
يعدى اليوم وراه اليوم
من اكتشافات وافتتاحات
أنا شايفة آثار بلدي
كتير لوحات وأيقونات
هنا معابد هنا كنائس
هنا مساجد ومشكاوات
جديدة يا مصر
برغم إن القدم طبعك
وتجاعيد الزمن باينة
لكن لسه الجمال فيكي
بيظهر لحظة والثانية
يارب احفظها وارعاها
وعين كل اللي صانوها
وقوى رئيسها وحكومته
وقوى الناس تكون صابرة
وتبعد عنها كل حقود
تكون منه النفوس شايلة
بلدنا حلوة الحلوين
دي أم الدنيا دي هايلة
هتفضلي عندي أحلى بلاد
تراب أرضك كنوز غالية
