مهندس طيران يوضح حقيقة صور مسجل الصوت للصندوق الأسود فى طائرة مصر للطيران المنكوبة
كتب : سعيد جمال الدين
تساءل العديد من المتابعين للفيس بوك حول حقيقة الصور التى تم بثها حول ما تم العثور عليه من محتويات الصندوق الأسود .. وأثير عدة تعليقات حول هذه الصور مما دعى البعض للإستهزاء بهذه الصور واطلق العديد منهم النكات حول أن ما تم العثور عليه هما فى الحقيقة علبتين " مياة غازية "كانز .. وهو ما أثار حفيظة أحد المهندسين ليرد على هذه التساؤلات والتعجب من قبل المتابعين هو المهندس على ماهر …
المهندس علي ماهر وهو مهندس طيران ورئيس قسم التخطيط + مبرمج محترف لدى كلية مصر / أكاديمية الطيران المصرية ومدرس ومحاضر طيران معتمد لدى كلية الدراسات المتخصصة بالاكاديمية المصرية لعلوم الطيران..
الدرس في الأعضاء أكاديمية الطيران المصرية الذى أوضح اهم محتويات الصندوق الأسود جهاز مسجل محادثات كابينة القيادة CVR وجهاز مسجل معلومات الطائرة روزفلت، وقال المهندس على ماهر
الجزء اللى ظاهر فى الصورة ده الجزء اللى بيحتوى على الذاكرة التخزينية او ال ذاكرة فلاش …. مش الصندوق الاسود ككل …. الذاكرة التخزينية لل CVR بتخزن اخر ساعتين للاصوات داخل الكابينة … وبالنسبة للذاكرة التخزينية لل روزفلت فبتخزن اخر 25 ساعة لجميع البيانات الخاصة بحالة وعمل جميع الحساسات والاجهزة والمحركات على الطيارة ….
وهنا حابب اقلكم شوية معلومات عن سبب عدم تحطم الجزء الخاص بالذاكرة دونا عن بقية اجزاء الصندوق ….. اولا من اشهر الشركات اللى بتصنع الصناديق السودة هى شركة امريكية اسمها L3 وتمن الصندوق بيتراوح من 10 الى 15 الف دولار …. تصميم الصندوق الاسود بيعتمد على ان الجسم وكل مكونات الصندوق المختلفة ممكن تتحطم عادى الا جزء الذاكرة هو ده الجزء الوحيد اللى ادوله الاولوية فى صلابة الجسم بشكل غير عادى ….
وده واضح من الاسم اللى سموه بيه تحطم للبقاء وحدات الذاكرة (CSMUs يعنى وحدة ذاكرة تم اعدادها للنجاة من التجطم …. الوحدة زى ما انتوا شايفين فى الصورة بتبقى اسطوانية … والجسم الاسطوانى ده هو اللى بيحمى شرائح ذاكرة التخزين اللى بتسجل اخر ساعتين صوت اللى قلنا عليهم قبل كده … الجسم ده بيكون من 3 طبقات مختلفة … الطبقة الاولى الخارجية مصنوعة من الصلب المعالج او التيتانيوم الفولاذ المقاوم للصدأ / التيتانيوم وده طبعا عشان تستحمل قوة الارتطام والضغط الكبيرة اثناء الحادثة …. تانى طبقة هيا طبقة عزل حرارى عزل طبقة وديه عشان تحمى الذاكرة من الحرارة الناتجة من الانفجارات والاحتراق …. والطبقة التالتة والاخيرة بتتكون من مادة امتصاص حرارى اسمها برافين البارافين وديه مادة بتمتص الحرارة وتسييح هيا فى حالة ان الانفجار اثر على الطبقتين الاولانين …. نيجى بقى للمعلومة الاهم وهيا الجسم ده يقدر يستحمل قد ايه؟
– اولا: جسم الذاكرة مصمم انه يستحمل قوة ارتطام 3400 G لمدة 6.5 ملي ثانية …. حد هيسالنى يعنى ايه …. يعنى يقدر يستحمل قوة ارتطام بجسم تانى وزنه 3400 مره قد وزن جسم الجهاز نفسه …. مش بس كده لو حبيت تتخيلها اكتر …. تخيل معايا جسم الذاكرة ده سرعته 500 كم فى الساعة وفجاءه خبط فى جسم تانى … من قوة الارتطام وصلابة الجسم التانى خلا جسم الذاكرة يقف تماما فى مسافة 45 سم … وجسم الذاكرة برده هيستحمل عادى! !!!!!!
-ثانيا: جسم الذاكرة يقدر يستحمل درجة حرارة 1100 درجة مئوية لمدة ساعة كاملة …. او يستحمل 260 درجه مثوية لمدة 10 ساعات متواصلة !!!
الكلام ده كله بيتاكدوا منه عن طريق اختبارات وتجارب صارمة.
