القاهرة " المسلة " … منذ بداية الثورة المصرية في 25 يناير، لم تغب روح الفكاهة عند المصريين، وها هي تعود ثانية كـ"كوميديا سوداء" على موقعي فيس بوك وتويتر، كرد فعل لما يشهده ميدان التحرير من مواجهات بين الشرطة والمتظاهرين.
السطور التالية تحمل لكم تعليقات تم تناقلها خلال الساعات الأخيرة، والتي جاء معظمها اسقاطا على مباريات كرة القدم وأقوال المعلقين الرياضيين والجماهير :-
– بعد التنحي طلعت نكتة أن الصعايدة لسة بيطالبوا باسقاط النظام.. طلع عندهم حق وإحنا اللي صعايدة.. إحنا آسفين يا صعايـدة.
– إلى كل كنباوي.. لو مش معانا نقطنا بسكاتك!
– إلى المصريين في الخارج.. شكلكوا هتصوتوا فعلا.. بس على المصريين اللي في الداخل.
– بيان وزارة الداخلية: قوات الشرطة لم تستخدم أسلحة نارية أو خرطوش أو مطاطية والدخان اللي إحنا شايفينه ده بخور للثورة لتتحسد!!
– اللى فاتته الثورة اللي فاتت الاعادة شغاله دلوقتي.
– أعزائي المشاهدين: نبدأ على بركة الله الشوط التاني.. بعد استراحة دامت 9 شهور ..
– لو قاعد فى الميدان هتلاقي الشرطة على يمينك والشعب على شمالك ..
– نفكركم بطاقم التحكيم "مدرعة" حكم الساحة و"دبابتين" حكام راية ..
– واحد يقولي مبارك خرج الشوط الاول ونزل مكانه المشير أقوله فعلا..
– يا مسهل شكله شوط تاني سخن جدا وكل الأمنيات الطيبة للشعب.
المصدر : الوفد
