المسلة – بوابة السياحة العربية
بقلم : أشرف سركيس
©© بمناسبة افتتاح المتحف الكبير في ٣ يوليه القادم باذن الله .. عندي فكرة ولا أروع بهديها للسيد وزير السياحة والاثار والسادة إدارة المتحف.
وهى الاتفاق مع مصر للطيران واير كايرو على تزيين هياكل واجسام عدد ١٠ طائرات اللي بتلف العواصم العالمية زي بكين وبرلين ووارسو وموسكو وروما وباريس ولندن بالرسومات الفرعونية الجميلة وبميعاد افتتاح المتحف..
وكمان يرتدى طاقم الضيافة على الطائرات دي الزى الفرعوني المبهر ، وكمان نشغل الشاشات جوة الطائرات دي بأفلام ودعاية عن المتحف وجماله وأهميته .
ونعطى كل شخص معاه تذكرة طيران على الطائرات دي ٥٠%خصم على تذاكر دخول المتحف حتى نهاية العام
وكمان نتفق على قطار مترو انفاق واحد ، وعدد ٢ باص في الخطوط الرئيسية للدول دي ونزينهم بالرسومات الفرعونية وبموعد افتتاح المتحف .
وكمان نتفق على شاشة واحدة عملاقة في الميادين الرئيسية للعواصم دي عشان تعلن عن افتتاح المتحف وجمال السياحة في مصر…
لسه قدامنا ٣ شهور ممكن نلف فيهم العالم كله
وزى ما كتبنا التاريخ انشاء الله هنوثقه للعالم في افتتاح المتحف في ٣ يوليه القادم
#المتحف_المصري_الكبير #افتتاح_المتحف_الكبير #السياحة_في_مصر #جمال_مصر #مصر_أم_الدنيا #الحضارة_المصرية #الفرعونية_في_العواصم #مصر_في_العالم #اكتشف_مصر #التراث_المصري #متحف_بينا_كلنا #مصر_بتكتب_تاريخها
#GrandEgyptianMuseum #Egypt2025 #PharaonicVibes #VisitEgypt #CairoOpening #CulturalTourism #GEMOpening #DiscoverEgypt #AncientEgypt #WorldSeesEgypt #EgyptEverywhere #MuseumMarketing
